Montana er eitt fjallafylkjanna með kanadíska héraðið Brezku-Kólumbíu, Alberta og Saskatchewan í norðri, Norður- og Suður-Dakota í austri, Wyoming og Idaho í suðri og Idaho í vestry.  Flatarmál þess er 380.926 km² (4. stærsta fylki BNA).  Hæsti tindur þess er Granite Peak, 3901 m.  Íbúafjöldinn 1997 var u.þ.b. 800 þúsund (0,2% negrar).   Vatnaskil meginlandsins mynda mestan hluta suðvesturmarka fylkisins.

Montana varð 41. fylki BNA 8. nóvember 1889.  Efnahagslífið byggðist og byggist á hinum fjölbreyttu náttúruauðæfum landsins.  Fylkið skiptist í tvær landfræðilegar einingar, Klettafjöllin í vestry (timbur og málmgrýti) og Slétturnar miklu í austurhlutanum (olía, kol og landbúnaður).  Nafnið er fengið úr spænsku og þýðir fjall og var fyrst notað árið 1864.  Montana er líka kallað „Treasure State” (Fjársjóðsfylkið) og „Big Sky State”.  Helztu borgir þess eru Helena (höfuðborgin), Billings Great Falls, Missoula og Butte.

Helena er lítil höfuðborg og Billings og Great Falls eru báðar verulega stærri.
Landbúnaður:  Mikil kornyrkja, hveiti og bygg, sykurrófur og kartöflur, nautgripir, svín og sauðfé.
Skógnýting:  Viðarkol og jólatré. 
Jarðefni:  Kopar (við Butte), sínk (við Anaconda), silfur, gull, blý, magnesíum, kol, jarðolía og jarðgas (í austurhlutanum).
Ferðaþjónusta er mikilvæg (skotveiði, fiskveiði og vetraríþróttir).
Glacier National Park (Jökulþjóðgarðurinn).
Yellowstone National Park (Gulsteinsþjóðgarðurinn; sjá þar).
Anaconda er þorp á koparnámusvæði.  Georgetownvatn er 24 km vestan þess.  Þar eru draugabærirnir Cable og Southern Cross.
Bearmouth Ghost Town er 23 km vestan Drummond.  Bærinn blómstraði í kringum 1866, þegar gullæðið var á mönnum, en nú er hann mannlaus. 
Big Hole National Battlefield er vígvöllur 133 km suðvestan Butte.  Þar börðust nez-percé-indíánar og bandaríski herinn árið 1877.