Billings er miðstöð viðskipta, flutninga og iðnaðar í Montanafylki.  Í landbúnaðarhéraðinu umhverfis borgina er mikið ræktað af nautgripum, hveiti og sykurrófum og þarna eru þrjár olíuhreinsunarstöðvar, tveir stórir spítalar og tengd heilbrigðisþjónusta.  Borgin er setur Austur-Montana-háskólans (1927) og Klettafjallaháskólans (1878).  Straumur ferðamanna er mikill vegna nálægðar Yellowstone þjóðgarðsins, Crow-indíánasvæðisins, Custer vígvallarins (þjóðarminnismerki vegna orrustunnar við Little Bighorn 1876) og skíða- og afþreyingarsvæða.

Áhugaverðir staðir í Billings eru m.a. söguhverfið, nokkur söfn um sögu svæðisins og Pictograph-hellarnir (þjóðarminnismerki með hellamyndum frá dögum Palaeo-, Crow- og Shoshone-indíánum).  Austan borgarinnar er Pompey’s Pillar, klettamyndun með myndum eftir indíána og áritun William Clark frá 25. júlí 1806, þegar hluti Lewis og Clark-leiðangursins var á bakaleið.  Byggðina, sem óx upp í borgina Billings, stofnaði fyrirtækið Northern Pacific Railway sem heimabæ starfsmanna þess og hún fékk nafn eins forseta þess, Frederick Billings.  Þessi áfangastaður járnbrautarinnar við skipgengan hluta Yellowstone-árinnar gerði hann mikilvægan stað til vöruflutninga og dreifingar.  Áætlaður íbúafjöldi árið 1990 var rúmlega 81 þúsund.