Mississippi er í suðausturmiðhluta BNA.  Norðan þess er Tennessee, austan er Alabama, sunnan er Mexíkóflói og Louisiana og vestan er Louisiana og Arkansas.  Flatarmálið er 123.532 km² og íbúafjöldinn 1997 var u.þ.b. 2,5 milljónir (36% negrar).   Mississippifljótið myndar næstum alla landamæralínuna að vestanverðu og Perluá myndar hluta suðurlandamæranna.

Mississippi varð 20. fylki BNA 10. desember 1817.  Efnahagurinn byggðist á landbúnaði fram á miðjan þriðjung 20. aldar, þegar iðnaður tók við forystuhlutverkinu.  Þjónustugeirinn hefur vaxið stöðugt síðustu áratugi.  Jefferson Davis, forseti Suðurríkjanna í borgara/þærlastríðinu bjó í Mississippi.  Nafn fylkisins er úr máli algonquian-indíána og þýðir Stóraá.  Mississippi er líka kallað Magnólíufylkið.  Aðalborgirnar eru Jackson (höfuðborg, Biloxi, Greenville, Hattiesburg, Meridian og Gulfport.