Lög um atvinnuréttindi útlendinga 10. maí 2002.

Breytingar á lögum im atvinnuréttindi útlendinga 1. maí 2006.

Lög ASÍ

Reglugerð ASÍ um allsherjaratkvæðagr.

Leiðsögunám í Leiðsögusk. Ísl. í MK

Leiðsögunám í Ferðamálaskóla Ísl.

Leiðsögunám EHÍ

Eru skólarnir viðurkenndir?

FÉLAG LEIÐSÖGUMANNA
FÉLAG Í RÚSTUM! - ER SÓKN BEZTA VÖRNIN?

TILLAGA UM REGLUGERÐ ALLSHERJARAKVÆÐAGREIÐSLU 2009

Reglugerð um leynilega allsherjaratkvæðagreiðslu í Félagi leiðsögumanna.

I. Kafli 
1. gr.  Allsherjaratkvæðagreiðsla skal fara fram ef:

a) einfaldur meirihluti fé­lags­fundar sam­þykkir ályktun þar um,

b) fundur fé­lagsstjórnar og trúnaðarráðs samþykkir ályktun þar um,

c) minnst 5% fé­lags­manna með aukna aðild krefst þess skriflega,
d) greiða þarf atkvæði um kjarasamninga.

e) lög Félags leiðsögumanna mæla sérstaklega svo fyrir.

Ákvæði reglugerðar þessarar eiga eftir því sem við á, um almenna og leynilega afgreiðslu kjarasamninga i póstatkvæðagreiðslu sbr. og 18. gr.

II. Kafli
2. gr.  Heimilt er að framkvæma allsherjaratkvæðagreiðslu á kjörstað/kjörstöðum, með póstatkvæðagreiðslu eða rafrænt.

3. gr.  Við skyldubundna allsherjaratkvæðagreiðslu skv. 1. gr. skal kjörstjórn skipuð þremur mönnum. Félagsstjórn og trúnaðarráð tilnefnir einn mann, en félagsfundur tvo. Jafnmargir skulu ti­nefndir til vara á sama hátt.  Kjörstjórn velur sér formann.

Kjörstjórn skal bóka allar ákvarðanir sínar og niðurstöður.  Fulltrúum framboða skv. 5. gr. skal tilkynnt með hæfilegum fyrirvara um fundi kjörstjórnar og skal þeim heimilt að sitja fundi hennar.

4. gr.  Kjörstjórn skal skipa sérstaka trúnaðarmenn, einn eða fleiri, til þess að annast um og bera ábyrgð á undirbúningi kosninga og til þess að vera viðstadda alla framkvæmd kosninganna.

Trúnaðarmaður má ekki vera einn frambjóðenda, ef um stjórnarkjör er að ræða.

5. gr.  Við stjórnarkjör er fulltrúum einstakra framboða heimilt að hafa umboðsmann sinn viðstaddan alla framkvæmd kosninga.

6. gr.  Tillögum til stjórnarkjörs þurfa að fylgja listar meðmælenda.

7. gr.
Fram­boðs­frestur við stjórnarkjör skal minnst vera 7 sólar­hringar, og skal listum eða til­lögum skilað til kjör­stjórnar áður en sá frestur er liðinn. Kjörstjórn sér um, að öll kjör­gögn séu fyrir hendi þegar at­kvæða­greiðsla á að hefjast. Komi aðeins fram einn listi eða ekki tillaga (upp­á­s­tunga) um fleiri en kjósa á, þarf kosning ekki að fara fram.

8. gr.
Þegar fram­boðs­frestur er út­runninn og til­lögum eða listum hefur verið skilað eða kjarasamningur er tilbúinn til afgreiðslu, skal kjör­stjórn auglýsa allsherjaratkvæðagreiðsluna með minnst sjö sólar­hringa fyrir­vara, með auglýsingu í netblaði Félags leiðsögumanna, uppfestum auglýsingum, auglýsingu í dag­blöðum og/eða í útvarpi eða á annan þann hátt að tryggt sé að fé­lags­menn fái nægi­lega snemma vit­neskju um atkvæðagreiðsluna.

Auglýsing frá kjörstjórn verður að tilgreina stað og stund og hve lengi kosningin stendur dag hvern, séu atkvæði greidd á kjörfundi, en ella hvenær kjörgögn verði póstlögð og hvenær þau þurfi að berast kjörstjórn í síðasta lagi fari allsherjaratkvæðagreiðsla fram í pósti eða rafrænt.

9. gr.  Atkvæðagreiðsla á kjörstað (kjörfundur) skal standa yfir a.m.k. í 2 daga, minnst 8 klst. hvorn dag og skal þess gætt, að valinn sé sá tími dagsins er félagsmenn eiga hægast með að sækja kjörfund.

Kjörfundi skal þó lokið, þegar allir félagsmenn hafa kosið.

10.gr.  Póstatkvæðagreiðsla skal fram­kvæmd þannig að kjör­stjórn sendir þeim er kosninga­rétt eiga kjörgögn. Þau eru:

Kjörseðill.

Umslag sem skal ómerkt eða merkt „Atkvæðaseðill” (umslag 1).

Umslag til eiginhandarundirritunar kjósanda (umslag 2).

Kjósandi sendir umslag, þ.e. umslag með utanáskrift kjörstjórnar (umslag 3).

Auk kjörgagna skulu fylgja leiðbeiningar um framkvæmd póstkosningar þar sem m.a. komi fram hvernig kjósandi tjáir vilja sinn, hvernig gengið skal frá kjörseðli og hvernig kjörgögnum skuli komið til skila. Taka skal skýrt fram fyrir hvaða tíma kjör­seðill skuli berast kjör­stjórn, en miða skal við að kjósanda berist kjörgögn í hendur svo tíman­lega, að ör­uggt sé, að hann geti komið kjör­gögnum til kjörstjórnar innan tíma­marka. Kjörgögn skulu þó póstlögð þannig, þegar um skyldubundna atkvæðagreiðslu skv. 1.gr. er að ræða, að a.m.k. 14 dagar líði frá því kjörgögn eru póstlögð og þar til þeim á að hafa verið komið í hendur kjörstjórnar í síðasta lagi. Þá skal skýrt taka fram hvaða atvik geti valdið ógildi kjörseðils sbr. m.a. nánari fyrirmæli í 12. gr.

Kosning fer þannig fram, að kjósandi tjáir vilja sinn eins og greinir í 12. gr. Að því loknu setur hann kjörseðilinn í umslag 1, lokar því og setur í umslag 2 sem hann áritar með eigin nafni. Hann setur umslag 2 þessu næst í umslag 3, sendir umslagið og sér um að koma því til skila til kjörstjórnar innan tilskilins tímafrests.

Kjörstjórn er heimilt að forprenta á bakhlið “umslags 2” sbr. c. lið 1.mgr., nafn kjósanda, kennitölu hans og heimilisfang. Einnig er heimilt að nota límmiða í þessu skyni. Skýrt skal koma fram á umslaginu, að eiginhandarundirritun kjósanda skuli vera á bakhlið þess.

Kjörgögn sem kjósendur póstleggja til kjörstjórnar teljast afhent kjörstjórn ef þau eru tilbúin til afhendingar á póststöð (kjörstjórnar) í síðasta lagi við lokun póststöðvar sama dag og kosningu líkur skv. 3. mgr. Kjósendum eða umboðsmönnum þeirra er heimilt að koma kjörgögnum sjálfir í hendur kjörstjórnar eða trúnaðarmanns kjörstjórnar með afhendingu þeirra á kjörstað.

11. gr.  Rafræn atkvæðagreiðsla skal framkvæmd þannig að kjörstjórn sendir þeim er kosningarétt eiga kjörgögn, en þau eru aðgangslykill að rafrænum kjörseðli.

Auk kjörgagna skulu fylgja leiðbeiningar um framkvæmd rafrænnar kosningar þar sem m.a. komi fram hvernig kjósandi tjáir vilja sinn og hvernig atkvæði hans komist til skila. Taka skal skýrt fram fyrir hvaða tíma atkvæði skuli berast kjörstjórn, en miða skal við að kjósanda berist í hendur kjörgögn svo tímanlega, að öruggt sé, að hann geti greitt atkvæði sitt innan tímamarka. Kjörgögn skulu þó póstlögð þannig að a.m.k. 14. dagar líði frá því kjörgögn eru póstlögð og þar til þeim á að hafa verið komið í hendur kjörstjórnar í síðasta lagi.

Samhliða rafrænni kosningu skal kjósendum ætíð gert mögulegt að fá aðgang að viðeigandi tölvubúnaði á kjörstað og skal í því efni farið að ákvæðum 15. gr. reglugerðar þessarar.

Þess skal gætt í hvívetna, að ekki sé hægt að rekja greidd atkvæði til tiltekins eða tiltekinna kjósenda og skal þess skal gætt að rafræn atkvæði séu ekki sett í sameiginlegt safn til talningar fyrr en kosningu er lokið.

Komi í ljós við atkvæðagreiðslu, að kjósandi hafi þegar nýtt kosningarétt sinn, annað hvort rafrænt eða á kjörstað, gildir það atkvæði, sem síðast hefur verið greitt

Verklagsreglur og útbúnaður hér að lútandi skal samþykktur af kjörstjórn hverju sinni.

12. gr.  Atkvæðagreiðsla skal vera persónubundin eða bundin kjarasamningi, sem í hlut á.

Kjósandi tjáir vilja sinn með því að krossa við þá einstaklinga, er hann vill kjósa. Þó skal kjósandi aldrei krossa við fleiri nöfn einstaklinga en kjósa skal í hvert embætti.

Frambjóðendum til hvers embættis skal raðað í stafrófsröð. Kjósandi tjáir þá vilja sinn með því að krossa við þá einstaklinga, er hann vill kjósa. Þó skal kjósandi aldrei krossa við fleiri nöfn einstaklinga en kjósa skal í hvert embætti.

Riti kjósandi ekki nafn sitt eiginhendi á sendiumslag kjörgagna sbr. 10. gr. telst kjörseðill ekki gildur og skulu slík umslög ekki opnuð.

13. gr.  Allir skuldlausir félagsmenn um síðustu áramót með aukna aðild njóta atkvæðisréttar.

Eftir að at­kvæða­greiðsla hefur verið auglýst, má ekki veita nýjum félagsmönnum viðtöku í fé­lagið með at­kvæðis­rétti, en þeir sem skulda geta öðlast at­kvæðis­rétt, ef þeir greiða skuld sína áður en at­kvæða­greiðsla hefst. Þá er auka­fé­lögum heimilt að gerast full­gildir fé­lagar á sama tíma­bili, enda upp­fylli þeir að öðru leyti inn­töku­skil­yrði fé­lagsins.

14. gr.  Kjörstjórn skal sjá um, að kjörskrá ásamt lista yfir þá félagsmenn, sem ekki eru á kjörskrá vegna skulda, sé til­búin, þegar at­kvæða­greiðsla er auglýst, og skal hvoru tveggja liggja frammi á einhverjum þeim stað, er fé­lags­menn hafa greiðan aðgang að frá þeim tíma og þar til atkvæðagreiðslu er lokið.

Meðmælendur hverrar tillögu (upp­ástungu) eiga rétt til að fá sameiginlega eitt afrit af kjörskrá ásamt skuldalista, um leið og atkvæðagreiðsla er auglýst.

Óheimilt er að afrita kjörskrá og/eða dreifa með nokkrum hætti.

Allar kærur vegnakjörskrár skal kjörstjórn úrskurða að viðstöddum fulltrúum eða umboðsmönnum framboðslista eða frambjóðenda í einstaklingskjöri jafnskjótt og þær koma fram. Kærufrestur er þrjátíu dagar frá lokum kjörfundar.

15. gr.   Kjörstaður skal vera starfsstöð eða aðsetur Félags leiðsögumanna, nema kjörstjórn ákveði annað.

Óheimilt er að viðhafa nokkurn kosningaáróður á kjörstað eða við hann.

16. gr.
Fyrir upphaf kjörfundar eða útsendingu kjörgagna innsiglar kjörstjórn kjörkassa með viðeigandi hætti og rífur sjálf þau innsigli við upphaf talningar atkvæða.

17. gr.  Kjörstjórn sér um talningu atkvæða að kjörfundi loknum. Umboðsmenn hverrar tillögu (uppástungu) skulu hafa rétt til að hafa fulltrúa sinn við talningu atkvæða.

Auðir seðlar og ógildir teljast með greiddum atkvæðum, en við talningu atkvæða skulu auð og ógild atkvæði lögð til hliðar og ekki tekið tillit til þeirra við útreikning á vægi atkvæða.

Upplýst skal um fjölda auðra og ógildra atkvæða þegar niðurstaða atkvæðagreiðslu er kynnt.

III. Kafli.  Almenn alsherjaratkvæðagreiðsla um kjarasamning

18.gr.  Við afgreiðslu kjarasamnings, telst “almenn leynileg póstatkvæðagreiðsla” í skilningi 3.mgr. 5.gr. l. 80/1938 vera atkvæðagreiðsla framkvæmd í samræmi við ákvæði 10.gr. reglugerðar þessarar. Þó er heimilt að haga slíkri atkvæðagreiðslu þannig að við frumsendingu kjörgagna sé farið að reglum 11.gr. um rafræna atkvæðagreiðslu en kjósendum gert heimilt og mögulegt í tíma að fá send kjörgögn, sem útbúin skulu í samræmi við ákvæði 10.gr.

IV. Kafli.  Önnur ákvæði.

19. gr.  Lausn ágreiningsmála.

Rísiágreiningur út af skilningi á reglu­gerð þessari, skal hann borinn undir trúnaðarráð og félagsfund.

20.gr.  Reglugerð þessi er sett samkvæmt 23. grein laga Félags leiðsögumanna.

Þannig samþykkt með áorðnum breytingumá framhaldsaðalfundi Félags leiðsögumanna  __ apríl 2009.
.

.

Félag leiðsögumanna

Félag leiðsögumanna á vefsetrinu nat.is

Leiðsögumaður (tourist guide) -
fararstjóri (tour manager)

Ferðaheimur

Lög FFL 2007

TIL BAKA             Friðrik Haraldsson, Hverafold 48, 112 Rvík, 567-6242 / 897-1233 - info@nat.is             HEIM