Stjórnsetur:  Bakú.  Flatarmál:  86.600 km².  Íbúafjöldi var á tíundu milljón árið 2010, Azerar 78%, Rússar 8%, Armenar 8%, aðrir 6%. 

Í Azerbajdzhan er fjölbreytilegt  landslag, láglendi er um 40% svæðisins og um helmingur landsins er í 400-1500 metra hæð.  Helztu atvinnuvegir eru
olíuvinnsla, olíuiðnaður, orkuframleiðsla og landbúnaður.  Fornleifarannsóknir hafa sýnt fram á, að Azerar voru mikil menningarþjóð til forna.  Þeir voru undir stjórn Persa frá áttundu öld f.Kr.  Arabar réðust inn í landið árið 642 og náðu því á sitt vald.  Þegar arabíska heimsveldið leið undir lok á miðöldum, urðu Azerar, sem upphaflega voru af írönskum stofni, fyrir auknum tyrkneskum áhrifum.  Mongólar herjuðu á landið og náðu yfirráðum 1236-1498.