|
Efnahagur
landsins byggist á olíuiðnaði en einnig er stundaður hefðbundinn
landbúnaður. Hagnaður af
olíunni er aðalundirstaða auðs landsins.
Benzinið eitt gefur af sér 90% tekna af útflutningi og stendur
undir 75% af útgjöldum ríkisins (u.þ.b. 40% af vergri þjóðarframleiðslu).
Iðnframleiðsla jókst varð 15½% af þjóðarframleiðslunni
1993 og 5,6% hærri 1994. Árið
1995 námu áætluð fjárlög 4,7 miljarða US$ og ríkisútgjöld 5,6
miljarðar. Verg þjóðarframleiðsla
var 10,7 miljarðar US$ 1994 (US$ 5.200.- á mann).
Landbúnaður
og fiskveiðar.
Mesta áherzla er lögð á ræktun til útflutnings (döðlur og
límónur). Nokkuð er um ræktun
korns og grænmetis fyrir innanlandsmarkað en að öðru leyti verður
að flytja matvæli inn. Framtíð
landbúnaðarins byggist aðallega á vatnsöflun.
Úthafsveiðar eru mikilvæg atvinnugrein.
Heildaraflinn 1993 var í kringum 116 þúsund tonn.
Iðnaður
mældist u.þ.b. 5% af vergri þjóðarframleiðslu 1995 og ríkið
hefur gert áætlanir um aukningu á þessu sviði.
Þarna er um að ræða olíuhreinsun og framleiðslu
byggingarefna. Rafmagn er
framleitt með olíu og heildarframleiðslan 1993 var 6 miljarðar
kW-stunda.
Olía
fannst fyrst í Óman árið 1964 og viðskipti með hana hófust 1967.
Olíuþróunarfélag Óman, sem ríkið á 60% í og Konunglega
hollenzka Skeljungsfélagið og önnur erlend fyrirtæki 40%, annast
uppdælingu og vinnslu olíunnar á sjó og í landi. Óman var talið eiga 20 ára birgðir hráolíu (4 miljarða
tunna) árið 1996 miðað við þáverandi nýtingu.
Á miðjum tíunda áratugnum nam uppdælingin 800.000 tunna á
dag. Birgðir náttúrugass
voru 72 petajúls (570 miljarðar rúmmetra 1994.
Gjaldmiðill
og viðskipti.
Gjaldmiðill landsins er ómanskur ríal = 1000 baiza.
Útflutningsviðskipti byggjast að mestu á olíunni.
Árið 1994 námu þau 8 miljörðum US$ (87% olía) og
innflutningur alls 4 miljörðum US$ (farartæki, tæki til
byggingarstarfsemi og neyzluvara).
Aðalviðskiptalönd eru m.a. Japan, S.a. furstadæmin, BNA, Suður-Kórea
og Singapúr.
Samgöngur.
Í Óman eru engar járnbrautir.
Vegaáætlun var gerð á áttunda og níunda áratugnum og nú
liggja vegir með bundnu slitlagi um allt land.
Lengd þessara vega árið 1992 var í kringum 5620 km og
malarvega 20.660 km. Aðalhafnirnar
eru í grennd við Masqat og Raysut og Mina’ al-Faal er þeirra stærst.
Millilandaflugvöllurinn er við Seeb í grennd við Masqat.
Fjögur dagblöð eru gefin út í landinu, tvö þeirra á
ensku. Um miðjan tíunda
áratuginn voru u.þ.b. 150.000 símar í landinu.
Fjöldi sjónvarpsstöðva er 9.
Fjöldi sjónvarpstækja í kringum 1,5 miljónir og viðtækja 1
milljón. |
