Kúveit,
Flag of Kuwait

KÚVEITBORG
PERSAFLÓI
  Meira

KÚVEIT

Map of Kuwait
.

.

Utanríkisrnt.

Kúveit er land á Arabíuskaga við norðvesturhorn Persaflóa.  Heildarflatarmál þess er 17.818 km².  Vestan og norðan þess er Írak, að austan Persaflói og að sunnan Sádi-Arabía.  Kúveit og Sádi-Arabía deildu með sér 5700 km² hlutlausu svæði við Flóann þar til samkomulag náðist um landamæri 1969.  Engu að síður skipta löndin jafnt með sér arði af olíulindum á þessu svæði.  Enn þá er deilt um legu landamæranna að Írak.  Landið er að mestu eyðimörk.  Við vestanverðan Kúveitflóa er eina stóra vinin, Al-Jahrah, og nokkrir gróðurblettir í suðausturhlutanum og meðfram ströndinni.  Níu eyjar fyrir ströndinni tilheyra landinu.  Stærstar þeirra eru hinar óbyggðu B¨biy(n og Al-Warbah.  Faylakah-eyja, nærri mynni Kúveitflóa, hefur verið byggð allt frá forsögulegum tíma. Höfuðborg landsins, Al-Kuwayt, í suðurhorni landsins við Kúveitflóa, er að öllu leyti í eyðimörkinni.  Langflestir landsmenn búa í eða í nánasta umhverfi hennar.

Emírinn er meðlimur ab(R-fjölskyldunnar, sem hefur stjórnað landinu síðan 1756.  Eftir olíufundi og þróun olíuiðnaðar frá því á fjórða áratugi 20. aldar og eftir síðari heimsstyrjöldina, hefur olían staðið undir rúmlega 90% útflutings landsins.  Á níunda áratugnum fór landið að bera meira úr bítum fyrir fjárfestingar sínar en olíuna.  Landið naut góðs af þeim í Persaflóastríðinu 1990-91.  Landið er meðal mestu olíulanda heims og óvíða annars staðar eru meiri birgðir í jörðu.

 TIL BAKA           Ferðaheimur - Garðastræti 36 - 101 Reykjavik - info@nat.is - Heimildir                  HEIM