Jómfrúareyjar eru austastar Stóru-Antilleyja og þar með norðaustlægasta upphaf eyjaboga Litlu-Antilleyja.  Í eyjaklasanum austan Puerto Rico eru sex stórar eyjar og fjöldinn allur af litlum.  Þær eru myndaðar í eldgosum og af setlögum og eru fjalllendar.  Mestur hluti regn- og þurrskóga var ruddur á nýlendutímanum til að rýma fyrir plantekrum.  Nú eru stór svæði eyjanna vaxin lágvöxnum gróðri, sem getur illa haldið raka.  Á Jómfrúareyjum ríkir hitabeltisloftslag með 26°C meðalhita, 28°C á sumrin á regntímanum.

Fyrrum var einkum stundaður landbúnaður á eyjunum.  Einkum var ræktaður sykurreir eins og nú á dögum auk baðmullar.  Nautgriparækt er orðin mikilvæg.  Nú orðið er ferðaþjónusta mikilvægasta atvinnugreinin og fjöldi skemmtiferðaskipa leggst að ár hvert.  Siglingar alls kyns seglbáta eru mikið stundaðar.

Austur-Jómfrúareyjar eru nýlenda Breta (Brezku-Jómfrúareyjar) en Vestur-Jómfrúaeyjar eru undir bandarískum yfirráðum (Bandarísku-Jómfrúareyjar).