Antille eyjar, ásamt Aruba, voru hollenzkar nýlendur.  Hinn 29. desember 1954 fengu þær sjálfstjórn með hollenzkum landstjóra, sem krúnan skipar.  Þingmenn (27) frá eyjunum fimm  eru kosnir í almennum kosningum.  Hollendingar sjá um landvarnir og utanríkismál.  Hver eyja lýtur sveitarstjórn og varalandstjóra.  Árið 1986 fékk Aruba eigin sjálfstjórn, þótt eyjaskeggjar séu háðir sömu fjárlögum og hinar eyjarnar.

Aðalatvinnuvegur eyjanna er hreinslun olíu, sem er flutt inn frá Venesúela.  Hreinsistöðin á Curacao, sem er iðnvæddasta eyjar, er meðal stærstu slíkra í Karíbahafi.  Hráolía og afurðir hreinsistöðvanna nema nálægt 90% verðmætis inn- og útflutnings eyjanna.  Á Curacao og Bonaire er talsverð framleiðsla vefnaðarvöru, málningar og elektrónískra tækja, auk framleiðslu áfengis, sápu og hveitis.  Íbúar Sint Maarten framleiða mikið af rommi og þar er fiskvinnsla talsverð.  Fríverzlunarsvæðið á Curacao er atvinnuskapandi og gerir eyjuna mikilvæga vegna umskipunar.  Á Curacao eru fosfatnámur og Bonaire-búar stunda talsverða saltgerð.  Ferðaþjónustan er mjög mikilvægur atvinnuvegur, einkum á Bonaire og Sint Maarten.  Gjaldmiðill eyjanna er evra,