Albanska nafn landsins er Republika e Shqipërisë.  Það er á vesturhluta Balkanskagans við Otranosund.  Flatarmál þess er 28.748 km², mesta lengd frá norðri til suðurs er 340 km og breidd 157 km.  Norðvestan þess er Montenegro (Svartfjallaland), í norðvestri er Kosovohérða Serbíu, í austri er Makedónía og í suðaustri og suðri er Grikkland.

Adríahafið liggur að landinu vestan- og suðvestanverðu.  Stytzta vegalengdin milli Albaníu og Ítalíu er u.þ.b. 83 km.  Landsmenn segjast vera „saqiptarë”, sem þýðir „synir arna” og  vísa til landsins sem Saquipëria.  Þeir eru afkomendur hinna fornu illýra og hafa búið við talsverða einangrun og huld frá upphafi.  Ástæðurnar liggja í fjöllóttu landslagi landsins og mörgum og flóknum þáttum, sem snerta sögu, menningu og félagslega uppbyggingu þjóðfélagsins.  Lega landsins hefur löngum verið stikla annarra þjóða og stórvelda, sem hafa sótt fram til landvinninga.