|
EFNAHAGSLÍFIÐ ,
Olían
er efnahagslegur grundvöllur landsins (u.þ.b. 30% af vergri þjóðarframl.).
Búizt er við, að þessi auðlind þrjóti eftir 25 ár miðað
við svipaða nýtingu og síðan taki við nýting náttúrugass og nýjar
atvinnugreinar. Tekjuliður
fjárlaga árið 1995 nam u.þ.b. US$ 2,5 miljörðum og gjöld voru US$
3,5 miljarðar. Verg þjóðarframleiðsla
(1992-94) var US$ 7,8 miljarðar (US$ 14.540.- á mann), líkt og í
vestrænum iðnríkjum.
Olía
fannst árið 1939 og tíu árum síðar hófst nýting hennar.
Árið 1974 stofnaði ríkisstjórnin fyrirtæki (Qatar General
Petroleum Corporation) um nýtingu hennar, sem hafði verið í höndum
erlendra fyrirtækja. Qatar
er í OPEC. Árið 1994 nam
framleiðslan 401.700 tunnum á dag, sem var lítið eitt meira en kvóti
OPEC fyrir landið. Nýting
náttúrugass nam í fyrstu 22,67 miljónum rúmmetra á dag.
Landbúnaður
og fiskveiðar.
Landbúnaður er stundaður til að mæta þörfum markaðarins
innanlands og u.þ.b. 3% vinnuaflsins eru bundin í honum.
Stefnt er að fjölgun áveitna til að gera landið sjálfu sér
nægt með afurðir. Kvikfjárrækt
er aðalgreinin, þótt talsvert sé ræktað af ávöxtum og grænmeti.
Árið 1993 voru 143.000 geitur, 165.000 kindur, 42.900 úlfaldar
og 11.700 nautgripir í landinu. Fiskveiðar
og vinnsla eru mikilvægar atvinnugreinar, þótt ársaflinn árið 1993
næmi aðeins 6900 tonnum.
Iðnaður.
Olíugróðínn er að hluta nýttur til þróunar iðnaðar.
Meðal framleiðsluvara eru sement, áburður og olíuvörur.
Gjaldmiðill
og erlend viðskipti.
Gjaldmiðill landsins er Qatar ríal = 100 dirham. Milliríkjaviðskipti
landsins árið 1994: Útflutningur
nam US$ 2,9 miljöðrum (rúmlega 90% olía og olíuvörur) og
innflutningur US$ 2 miljörðum. Aðalviðskiptalönd
eru Japan, Bretland, BNA og Þýzkaland.
Samgöngur.
Engar járnbrautir eru í Qatar.
Síðla á níunda áratug 20. aldar var vegakerfið 1080 km
langt (u.þ.b. 67 m/slitlagi). Millilandaflugvöllur
er við Doha. Fjögur dagblöð
eru gefin út í landinu, þar af eitt á ensku.
Snemma á tíunda áratugnum var fjöldi sima 160.000, viðtækja
200.000 og sjónvarpstækja 205.000.
QATAR AÐALSÍÐA |
