Ytri-Mongólia er landlukt 1.565.000 km² svæði í Mið-Asíu.  Nágrannaríkin eru Rússland og Kínverska alþýðulýðveldið.

Náttúrufar.  Landið er fjalllent í vestri og norðri en í suðri og austri eru gresjur og allrasyðst er eyðimörkin Gobi.  Í landslaginu eru margar afrennslislausar lægðir og fjöldi vatna (flest ísölt).  Um norðurhlutann streyma árnar Selenga og Orchon til Bækalvatns.

Loftslag.  Í landinu öllu ríkir ómengað meginlandsloftslag, kaldir vetur, mikill munur hita milli árstíða og lítil úrkoma.

Íbúarnir.  Mongólar (87%; flestir af Chalcha-ætt), kasakar (4%); minnihlutahópar túvína, Rússa og kínverja.  Heildarfjöldi (1995) u.þ.b. 2,2 milljónir, u.þ.b. 1,4 íbúar á km².  Lífslíkur 63 ár.  Ólæsi u.þ.b. 5%.  Vinnuafl u.þ.b. 750.000, þar af 40% í landbúnaði.

Trúarbrögð.  Buddhatrú (lama) er undir miklum þrýstingi frá trúleysisstefnu yfirvalda og er á undanhaldi.

Tungumál.  Mongólska er opinbert mál.  Rússneska er helzta erlenda tungan, sem er töluð í landinu.

Ríkið.  Lýst var yfir stofnun Mongólska alþýðulýðveldisins 26. nóvember 1924 fyrir tilstuðlan Rússa.  Samkvæmt rússnesk-kínverska samningnum fékk landið sjálfstæði 14. febrúar 1950.  Ríkið er alþýðulýðveldi samkvæmt stjórnarskránni frá 6. júlí 1960 (endurskoðuð 1980).  Stjórnarform:  Þing, sem starfar í einni deild (Chural; löggjafarþing).  Þjóðhöfðinginn er forseti þingsins.  Forsætisráðherra er í fararbroddi ríkisstjórna.  Ytri-Mongólía er aðili að eftirfarandi alþjóðastofnunum:  S.þ. og ýmissa stofnana þeirra og COMECON (gagnkvæmt viðskiptaráð). Landinu er skipt í 18 stjórnsýslusvæði og þrjár sjálfstæðar borgir.


Borgir.  Höfuðborgin er Ulan Bator (450.000 íb.).  Aðrar stórar borgir eru:  Darchan (60.000 íb.), Erdenet (40.000 íb.), Choybalsan (27.000 íb.) og Suche Bator (20.000 íb.).

Atvinnulíf. 
Landbúnaður:  Kornrækt, kvikfjárrækt.
Jarðefni:  Kol, málmar.
Iðnaður:  Vefnaður, efnaiðnaður.
Innflutningur:  Vélar, farartæki, olía.
Útflutningur:  Kvikfé, kjöt, ull, leður.
Brúttóþjóðarframleiðsla 2 milljarðar US$ 1987.