Dóminíska lýðveldið er þingbundið forsetalýðveldi á austurhluta eyjarinnar Hispanjóla.  Flatarmál landisins er 48.440 km² (þurrlendi 48.380 km²), íbúafjöldinn 6,8 milljónir (52% í þéttbýli og 48% í strjálbýli), höfuðborgin Santo Domingo og tungumálin spænska og kreólska.  Flestir íbúanna eru rómversk-katólskir.  Læsi er 70%.  Hæsti tindur er Pico Duarte.  Aðalár eru Isabela, Macoris, Ozama og Soco.  Allir íbúar, eldri en 18 ára, sem eru ekki í hernum eða lögreglunni, hafa kosningarrétt.  Landinu er skipt í 26 sýslur eða héruð.  Aðalborgir (manntal 1981):  Santo Domingo (1,4m.); Santiago (0,3m.); La Romana (0,1m.); San Pedro de Macoris (0,08m.); San Francisco de Macoris (0,07m.).  Gjaldmiðill er peso (100 centavos).

Dóminíska lýðveldið er annað stærsta ríki Karíbasvæðisins á eftir Kúbu.  Hispaníóla er ein Stóru Antilleyja.  Aðliggjandi ríki á vesturhluta eyjarinnar er Haïti (landamæri 275 km), sem nær yfir u.þ.b. einn þriðja hluta eyjarinnar.  Norðan eyjarinnar er Atlantshafið og sunnan hennar Karíbahaf.  Nágranninn í austri er Puerto Rico, 100 km handan Monasunds.  Fjarlægðin til suðurodda Flórída er nálægt 1100 km og til Punta Gallinas, norðurodda Suður-Ameríku, aðeins 600 km.  Strandlengjan er 1.288 km löng.

KARÍBASVÆÐIÐ