Nunavut er gríðarstórt hérað í Kanada og nær yfir mestan hluta heimskautssvæða landsins.  Það er yngsta hérað landsins, því það fékk viðurkenningu 1999 og var skorið af Norðvesturhéruðunum.  Innan þess eru hefðbundin búsvæði inúíta.  Nafn héraðsins er úr tungu þeirra, inuktitut, og þýðir „Landið okkar”.  Höfuðborgin er igaluit við enda Frobisherflóa á Suður-Baffinslandi.

Landamæri héraðsins liggja að Manitoba í suðri og Norðvesturhéruðunum í suðvestri og vestri.  Að öðru leyti liggur svæðið að Íshafinu og eyjar þess eru aðskildar Grænlandi með sundum, s.s. Baffinflóa og Davíðssundi.  Suðaustan Hudsonsunds og norðausturarms Hudsonflóa er Quebecfylki.  Nunavut nær yfir mestan hluta heimskautseyjarnanna, þ.m.t. stærstu eyjuna, Baffinsland.  Nokkrar eyjar skiptast milli Nunavut og Norðvesturhéraðanna (Viktoriueyja og Melvilleyjar) og meðal eyja í Hudsonflóa eru Belchereyjar.  Heildarflatarmál Nunavut er 1.900.000 km² og Íbúafjöldinn 1996 var 24.730 (1998, 26.500).