Igaluit hét áður Frobisher Bay Town.  Bærinn er höfuðstaður Nunavuthéraðs og aðalmiðstöð Baffinssvæðisins í Kanada.  Bærinn er við mynni Frobisherflóa á Suðaustur-Baffinslandi.  Hann er stærstur bæja á austurheimskautssvæðum Kanada.  Þarna var verzlunarstaður 1914 og herstöð í síðari heimsstyrjöldinni.

Síðar var byggð þar varðstöð gegn árásum með kjarnorkuvopnum (DEW = Distant Early Warning) með röð radarstöðva og veðurathugunarstöð.  Nafn bæjarins er úr máli inuktituteskimóa og þýðir „Fiskislóð”.  Nunuuta Sunaqutangit-safnið hýsir listaverk eskimóa.  Þjóðgarðar í nágrenninu eru Qaummaarvit, Sylvia Grinnell og Katannilik.  Íbúafjöldinn 1996 var 4220.