Rúmlega helmingur lands Búlgaríu er hæðóttur eða fjalllendur.  Meðalhæð landsins yfir sjó er 480 m.  Balkanfjöllin liggja eftir landingu endilögnu frá norðvesturhorninu að Svartahafi og mynda vatnaskil milli Dónár og Eyjahafs.  Norðurhlíðarnar rísa smám saman upp af Búlgörsku sléttunni, sem nær alla leið til Dónár.  Miðhluti suðurhlíðanna skiptist í nokkrar sléttur, s.s. Þrakneska sléttan.  Í suðurhluta landsins eru hin breiðu og óreglulegu Rhodope-fjöll, sem mynda landamærin að Grikklandi.  Við vesturenda þeirra, í suðvesturhluta landsins, eru Rilafjöll, sem rísa hæst í Musalatindi (2925m), hæsta tindi Balkanfjalla.  Nokkrir minni fjallgarðar liggja meðfram vesturlandamærunum.