Bosnía og Herzegóvína eiga landamæri að Króatíu í suðri, Serbíu og Svartfjallalandi í austri og suðaustri og í suðvestri er örstutt strandlengja við Adríahafið.  Landið er nokkurn veginn eins og þríhyrningur í laginu og nær yfir 51,129 km² svæði.  Meiri hluti Bosníu nær yfir miðhlutann og Herzegovína yfir suður- og suðvesturhlutann.  Höfuðborg landsins er Sarajevo.

Yfirráð landsins voru oft í höndum sterkari, erlendra ríkja, þannig að einkenni þjóðarinnar bera þess vott í siðum og hefðum og deiglu þjóðerna.  Mest ber á múslimum, rétttrúuðum og rómversk-katólskum, nokkurn veginn í réttu hlutfalli við þjóðernissskiptinguna, bosnía, serba og króata.  Legalandsins milli Serbíu og Króatíu hefur oft gert Bosníu-Herzegovínu að pólitísku bitbeini.  Árið 1918 var það innlimað í nýstofnað konungsríki serba og að lokinni síðari heimsstyrjöldinni varð það eitt alþýðulýðvelda Júgóslavíu, sem liðaðist í sundur 1991.  Þá fékk Bosnía-Herzegovína sjálfstæði en dróst strax inn í borgarastyrjöldina, sem fylgdi.