Kyrgyzstan
er á mótum asísku fjallarisanna tien Shan og Pamír. Þeir eru röð
fjallgarða, sem liggja aðallega frá austri til vesturs. Pobedy (7439m;
rússneska = sigur) var næsthæsti tindur fyrrum Sovétríkjanna. Rúmur
helmingur flatarmáls lýðveldisins liggur hærra en 2500 m.y.s. og aðeins
áttungur liggur neðan 1500 m. Jöklar þekja rúmlega 3% landsins og
meginlandsloftslag ríkir á fjölbreyttan hátt. Meðaldagshiti í dölunum í
júlí er 25°C-27°C og -4°C í janúar. Mun kaldara er hærra uppi í
fjöllunum.
Vatnasvið árinnar Naryn og fleiri þveráa Syr Darya nær yfir
rúmlega helming landsins. Fjöldi
lækja og áa renna um dali Norður-Kyrgyzstan og
hverfa í eyðimörkum og hálfeyðimörkum Kazakhstans. Stærsta
stöðuvatn landsins og hið fjórða dýpsta í heimi,Ysyk-Köl, liggur í 1,6
km hæð yfir sjó. Víðast eru stepper og skógar þekja u.þ.b. 3,5%
landsins. Ræktanlegt land nemur aðeins 7%. Meðal
sjaldgæfra, villtra og lögverndaðra dýrategunda eru Tien Shan-birnir,
rauði úlfurinn og snjóhlébarðinn. |