|
 Náttúrufar.
Bonaire,
sem kunn er meðal áhugafólks um köfun og fuglaskoðara, er 45 km
austan Curaçao á 12°09'N og 68°17'V undan strönd Suður-Ameríku.
Jarðvegur eyjarinnar, sem er hæðótt nyrzt en flatlend að
sunnanverðu, er svo þurr, að sums staðar eru hálfgerðar eyðimerkur.
Eins og Curaçao og Aruba er Bonaire aðskilið framhald af
venezuelsku eyjakeðjunni, sem liggur austar, og fyrrum stóð eyjan lægra,
þannig að kóralrif mynduðust, þar sem nú er þurrlendi.
Meðalhitinn í janúar og febrúar er 24°C en 31°C í
september. Meðalársúrkoma
er 500 mm, mest frá oktober til desember.
Margar tegundir kaktusa vaxa á eyjunni auk fleiri plantna, sem þola þetta
þurra loftslag. Sjávarsalt
hefur lengi verið unnið á Bonaire, en dregið hefur úr þeirri
vinnslu. Eyjan liggur utan
farvega fellibylja.
Sagan.
Arawakar
bjuggu á Bonaire árið 1499, þegar Amerigo Vespucci kom siglandi.
Spánverjar hófu kvikfjárrækt í smáum stíl og saltvinnslu
í pönnum. Á 17.öld komu Hollendingar og gerðu eyjuna að einni aðalmiðstöð
þrælaverzlunar. Í
upphafi 19.aldar réðu Englendingar henni um tíma en Hollendingar komu
aftur til skjalanna árið 1815. Þrælahaldið
var afnumið 1863 og landinu skipt niður milli sjálfseignarbænda.
Í seinni heimsstyrjöldinni var þýzkum föngum komið fyrir á
Bonaire Ferðaþjónusta hófst
ekki fyrr en á sjötta og sjöunda áratugnum, þegar gestir á eyjunni
og eyjar-skeggjar sjálfir fóru að gera sér grein fyrir hinu fjölskrúðuga
fuglalífi og ósnortnum kóralrifjum á hafsbotni.
Íbúarnir
og atvinnulífið.
Íbúarnir
11.000 eru flestir afkomendur afrískra þræla, nokkrir eru með indíánablóð
í æðum og hvítt fólk er í miklum minnihluta.
Fyrrum var salt- og olíuvinnsla aðalatvinnugreinin, líkt og á
Aruba og Curaçao, en ferðaþjónustan verður stöðugt veigameiri.
Mikilvægir vinnuveitendur eru Antilles International Salt Co
N.V., Bonaire Petroleum Corporation (aðstaða fyrir risaolíuskip) auk
útvarpsstöðvanna tveggja, 'Trans World Radio (rekin af fólki, sem aðhyllist
mótmælendatrú; einn öflugasti
sendir í heimi) og 'Radio Nederland Wereldomroep' (Dutch World Radio). |
