Kalkútta (9,5 millj. íb.), næststærsta borg asíska meginlandsins á eftir Shanghai og hin næststærsta í Brezka samveldinu á eftir London.  Hún er á 22°33'N og 88°19'V, u.þ.b. 140 km frá Bengalflóa og aðeins 6 m yfir sjó.  Hún teygist eftir vinstri árbakka Hooghly (Hugli), vestustu kvíslar Ganges.  Þar er setur fjölda innlendra og erlendra fyrirtækja, sem flytja einkum út hampvörur og te, aðalútflutningsvörur Indlands.  Nærri því helmingur útflutningsins fer um höfnina í Kalkutta.

Kalkutta er höfuðborg Bengalfylkis og aðalaðsetur hinna félagslyndu og andríku Bengala.  Þetta er hreint ótrúleg borg!, ómannúðleg og fráhrindandi en samt þrungin lífi og krafti.  Íbúarnir eiga skilda aðdáun fyrir festu sína og stillingu gagnvart ómannlegum lífsskilyrðum.  Þeir hræra samvizku og sálir þeirra, sem koma í heimsókn.  Móðir Teresa (fædd Agnes Gonxha Boyxhin árið 1910 í Skopje í Makedóníu; Friðarverðlaun Nóbels 1979) hefur starfað það óþreytandi í fátækrahverfunum.

Áður en Bretar settust að árið 1696 og byggðu Williamsvirkið var þarna fiskiþorpið 'Kalikata' (Kalighat), nefnt eftir gyðjunni Kali.  Lega þess efst við skipgenga leiðina á fljótinu gerði staðinn að mikilvægustu viðskipta-miðstöðinni við Ganges og þróun borgarinnar varð ör, þrátt fyrir fjandskap Nawaba frá Bengal.  Undir forystu Siraj-ud-Daula tókst Nawöbum að leggja hana undir sig og eyðileggja virkið árið 1756.  Þessi atburður dró úr vexti og viðgangi borgarinnar um skamma hríð, því að Lord Clive náði henni aftur undir Breta í janúar 1757 og vann lokasigur á Nawöbum.  Núverandi Williamsvirkið var byggt samkvæmt hugmyndum Vaubans á árunum 1773-1781.  Kalkutta var höfuðborg hins brezka Indlands á árunum 1877 til 1912.