Boracay er hitabeltiseyja, u.þ.b. 315 km sunnan Manila og 2 km norðvestan Panay-eyjar í Vestur-Visayas-eyjaklasanum.  Þessi eyja er einhvert vinsælasti ferðamannastaður Filipseyja.  Hún er undir héraðsstjórn Aklan.  Boracay er u.þ.b. 7 km löng, breið í báða enda og mjóst innan við 1 km.  Heildarflatarmálið er 10,32 ferkílómetrar.

Aðalstrendur eyjarinnar eru Hvítaströnd og Bulabog-strönd.  Þær eru sín hvorum megin við mjóstu hluta eyjarinnar.  Nokkrar fleiri strendur eru á eyjunni.