Höfuðborgin er Bismarck og meðal annarra borga eru Fargo og Grand Forks.

Landbúnaður:  Geysimikil kornrækt, hveiti og bygg, rúgur, maís, kartöflur, sykurrófur, nautgripa- og sauðfjárrækt.

Mikill matvælaiðnaður og námuvinnsla.
Jarðefni:  Jarðolía, jarðgas og brúnkol.

Talsverð ferðaþjónusta.

Bismarck er stjórnsýslu- og viðskiptamiðstöð við Missiuriána (korn, kjöt og olía).  Þinghús.  Háhýsi upp á 17 hæðir frá 1932.  Þjóðminjasafn.  Stytta af indíánakonunni Sacajawea og túlki og leiðtoga Lewis-&-Clark-leiðangursins.

Fargo er verzlunarborg (einkum korn) í frjósömum dal Rauðár.  Þar er háskóli Norður-Dakota.  Geysihátt (629m) sjónvarpsmastur er 72 km norðvestan borgarinnar.

Abercrombievirkið er 32 km norðvestan Wahpeton, upprunalega frá 1857 (safn), endurbyggt.

Garrison Dam er 3 km löng og 61 m há stífla, sem myndaði Sakakaweavatn, 103 km norðan Bismarck.  Heilsubótarstaður.

Grand Forks er háskólaborg (u.þ.b. 10.000 stúdentar) við Rauðá.

Jamestown er fremur stór bær í fallegu umhverfi við Jamesána.  Frontier Village er landnemaþorp í útisafni.  Þar er einnig stórt minnismerki um vísundana, sem reikuðu um í risastórum hjörðum.  Kaupstefna í júlí ár hvert.

Mandan er bær, sem var nefndur eftir mandanindíánunum, á vesturbakka Missouriárinnar, beint á móti Bismarck.  Fort Lincoln State Park með bjálkahúsum og indíánasafni.

Medora er þorpskríli, sem byggðist í kringum viðskipti með nautgripi.  Þar er höll stofnanda þess, markgreifans af Mores og fleiri söguleg, endurbyggð hús.

Nekoma er u.þ.b. 160 km norðvestan Grand Forks.  Þar var fyrstu ABM gagneldflaugum BNA komið fyrir.

Theodore Roosevelt National Memorial Park er stórt náttúruverndarsvæði (285 km²) í vesturhluta fylkisins.  Þar standa tveir búgarðar, sem forsetinn byggði sér.