Oahu er eyja í miðri Hawaii-eyjakeðjunni, milli Kauai og Molokai, og þekkt undir nafninu Söfnunareyjan.  Hún er u.þ.b. 64 km löng og 42 km breið og 1.555 ferkílómetrar.  Hún er miðstöð verzlunar og viðskipta eyjaklasans og mikilvæg varnarstöð Bandaríkjahers í Kyrrahafi (Perluhöfn).  Helztu landbúnaðarafurðir eyjaskeggja eru ananas og sykurreir.  Ferðaþjónustan er mjög mikilvæg atvinnugrein.  Meðal fjölda góðra baðstranda er Waikiki við Diamond Head (gígur) einna kunnust.  Stærsta byggð eyjarinnar er höfuðborg fylkisins, Honululu.  Áætlaður íbúafjöldi eyjarinnar árið 1990 var 836.200.