Honolulu er höfuðborg og aðalhöfn landsins á Oahueyju.  Miðstöð viðskipta og iðnaðar og vöru- og mannflutninga með skipum og flugvélum.  Niðursuða ananas, sykurvinnsla, vefnaður, stál- og álver, olíuhreinsun, sementsverksmiðja, mjólkurbú, Iolanihöllin, háskóli o.fl.

Honólúlú lét lítið yfir sér áður en Evrópubúar fóru að setjast þar að.  Þá gerði Kamehameha konungur hana að höfuðborg sinni og borgin er enn þá miðstöð efnahagslífsins á eyjunum.  Borgin stendur á löngu og mjóu eiði á syðsta hluta Oahu, miðbærinn er allvíður um sig og hefur mun rólegra yfirbragð en margar glæsimyndir þaðan gefa til kynna.  Ferðamannahótelin standa innan um skýjakljúfa í miklu meira athafnalífi og umferð á Waikikiströndinni nokkrum kílómetrum austar.  Lega borgainnar við Kyrrahafið með klettabelti (pali) og kulnuð eldfjöll (Punchbowl og Diamond Head) í baksýn er margrómuð fyrir fegurð.  Fegurð náttúrunnar utan byggðra bóla er óvíða fjarri á Hawaiieyjum.  Aðalaðdráttarafl Wakikistrandarinnar fyrir ferðamenn eru verzlanirnar, veitingahúsin og aðstaðan á ströndinni.  Deigla þjóðerna og staða Hawaii og Honólúlú sem vegamót heimsins gera borgina að stað, þar sem eitthvað er alltaf að gerast og allt er til sölu.  Dvöl þar gefur gestum líka gullin tækifæri til að fara í skoðunarferðir út í hvern krók og kima eyjanna.