|
 Orlando er höfuðborg
Orangesýslu í Mið-Flórída. Umhverfi hennar er þakið stöðuvötnum og
þaðan eru 95 km til Melbourne í norðvestri og 135 km til Tampa í
norðaustri. Borgin er í miðju eins hinna þéttbýlustu svæða fylkisins.
Fyrstu innfæddu íbúar þessa svæðis, sem kunnugt var um, voru
timucua-indíánar og síðar seminólar. Landnám hófst 1843 í
kringum Gatlin-virkið, sem var fyrst kallað Jernigan eftir einum hinna
fyrstu landnámsmanna.
Árið 1857 var
bærinn endurskírður til heiðurs Orlando Reeves, hermanns, sem fell í
seminólastríðinu. Fyrir borgarastyrjöldina var bærinn verzlunarmiðstöð
fyrir ull og nautgripi en eftir hana urðu sítrusávextir og vinnsla
þeirra aðalviðfangsefnið. Suður-Flórída-járnbrautin náði til Orlando
árið 1880 og síðan til Tampa árið 1883. Þróun geimferðastöðvarinnar á
Kanaveralhöfða (80 km austan Orlando) eftir 1950 olli fjölgun íbúa og
efnahagslegri uppsveiflu, sem hélt áfram eftir að Disney World-skemmtigarðurinn
var opnaður 1971 u.þ.b. 30 km suðvestan borgarinnar. Síðan fjölgaði
áhugaverðum stöðum í og umhverfis borgina og körfuboltalið hennar náði
upp í meistaradeild BNA árið 1987.
Disney-skemmtigarðurinn
nær yfir 122 km2 svæði. Þar eru m.a. Töfrakonungsríkið
(Magic Kingdom), Epcot, Disney-MGM-kvikmyndaverið og Dýraheimar (Animal
Kingdom). Universal-Orlando-kvikmyndaverið er einnig í nágrenni
borgarinnar (ævintýragarður) auk Sea World sædýrasafnsins og Wet ‘n Wild
(Vott og villt), sem er stór vatnagarður. Í Lack Haven garðinum eru
lista-, vísinda- og sögusöfn. Krókódílagarðurinn (Gatorland) er rétt
sunnan borgarinnar.
Aðaltekjulindir
borgarinnar eru ferðaþjónusta, ráðstefnur og vörusýningar. Iðnaðurinn,
sem er háþróaður, byggist aðallega á framleiðslu hluta til geimferða og
árásar- og varnarflauga. Vinnsla sítrusávaxta er enn þá mikilvægur
atvinnuvegur. Meðal menntastofnana borgarinnar eru Háskóli Mið-Flórída
(1963) og Valencia háskólinn (1967). Árið 2000 var íbúafjöldi
Stór-Orlando næstum 1,7 miljónir.
FLÓRÍDA
Icelandair flýgur til
Orlando.
Beint flug er til Orlando frá 6. september 2013 til 3
júní 2014.
Reykjanesbær
er vinabær Orlando |
