Homer er á norðurströnd Kachemakflóa á suðvesturhluta Kenaiskaga.  Homereyrin er u.þ.b. 7 km löng og Anchorage er 375 km sunnar.  Á þessum slóðum hafa kenaitzeindíánar búið teinöldum saman.  Árið 1895 var hópur landfræðinga þar á ferðinni til að kanna kola- og gullbirgðir í jörðu.  Gullleitarmenn héldu gjarnan frá Homer til að höndla hamingjuna.  Staðurinn var skírður í höfuð Homers Pennock, sem var frumkvöðull gullleitarfélgas og byggði húsnæði fyrir 50 starfsmanna sinna á eyrinni.  Hann hafði í hyggju að sía gull úr sandinum á ströndinni frá Homer til Ninilchik.  Pósthúsið í Homer var opnað skömmu síðar.

Árið 1899 byggði fyrirtækið Cook Inleg Coal Fields Company þorp og bryggju á eyrinni, gróf kolanámu á Homers Bluffhöfða og tæplega 12 km járnbraut frá námunni út á bryggju.  Mörg fyrirtæki stunduðu kolanám fram að fyrri heimsstyrjöldinni og landnámið hélt stöðugt áfram allt fram á fimmta áratug 20. aldar.  Kolin voru aðallega notuð til húshitunar og áætlaðar birgðir þeirra í jörðu við Homer eru 400 milljónir tonna.  Í jarðskjálftunum á föstudaginn Langa 1964 seig Homereyrin vel á annan metra, þannig að það varð að flytja nokkur hús.
Meira