|
 Íbúarnir.
Homer er ekki byggð innfæddum.
Aðalatvinnuvegurinn er fiskveiðar og fiskiðnaður og borgin er
oft kölluð „Stórlúðuhöfuðborg heimsins”.
Listalífið er fjörugt og allstór hópur listamanna býr þar.
Veðreiðar eru stundaðar frá 1. maí til fyrsta mánudags í
september (Labour Day).
Efnahagsmál.
Homer er aðallega byggð á fiskveiðu, fiskverkun, verzlun
og árstíðabundinni ferðaþjónustu.
Nokkur skemmtiferðaskip koma þar við á hverju sumri og námsmenn
flykkjast þangað í atvinnuleit í fiskiðnaðnum.
Laxveiðar og sjóstangaveiði (stórlúða) gefa talsverðar
tekjur í aðra hönd.
Veiðikvótahafa
í borginni eru alls vel á sjötta hundrað og löndunaraðstaða góð
í höfninni (frystigeymslur, ísframleiðsla og lofttæming umbúða
fiskafurða. Sögunarmylla
vinnur úr timbri borgarlandsins og mikið er selt af tréspæni til
Japans.
Samgöngur.
Sterlinghraðbrautin tengir Homer við Anchorage, Fairbanks,
Kanada og önnur ríki BNA. Oft
er talað um Homer sem „leiðarenda” vegna legu sinnar við enda þessarar
hraðbrautar. Ríkið á og
rekur Homerflugvöllinn og aðstöðu fyrir sjóflugvélar á staðnum
og á Belugavatni. Nokkur
flugfélög reka áætlunarflug til ýmissa staða, leiguflug og þyrluþjónustu.
Í næsta nágrenni borgarinnar eru nokkrir einkaflugvellir.
Alaska sjóhraðbrautin og ferjur sjá um samgöngur á sjó og vötnum.
Hafskipabryggjan tekur við fraktskipum fyrir inn- og útflutning
og bátahöfnin getur tekið við 750 bátum.
Loftslagið
er úthafsloftslag. Vetrarhiti
er að meðaltali undir frostmarki og sumarhiti er aðeins lægri en hér
heima. Meðalársúrkoma er
6000 mm, eða svipuð og á Vatnajökli.
Rúmlega
90% heimila eru með pípulagnir fyrir hitaveitu. Neyzluvatnið kemur úr uppistöðulóni í Bridgeánni.
Það er klórblandað og geymt í tanki og leitt til langflestra
heimila í borginni. Þeir, sem eru ekki tengdir, eru flestir með eigin
brunna. Klóakið er leitt
í hreinsunarstöð og einkaaðilar sjá um sorphirðu. Sorpið er notað í landfyllingar og margir eru með eigin
rotþrær. Raforkan kemur
frá orkuveri við Bradleyvatn. Það
er að hluta í eigu Alaska Electric Generation & Transmission
Cooperative, sem rekur gasorkuver í Soldotna.
Það kaupir líka raforku frá Cugach Electric. |
