Singapúr er í Sa-Asíu, sunnan Malakkaskaga og aðskilin honum með sundinu Selat Johor.  Heildarflatarmál er 618,1 km2, aðaleyjan 570,4 km2. Auk aðaleyjarinnar tilheyra Singapúr 54 smærri eyjar.  Aðaleyjan er hæðótt inn til landsins.  Suður- og austurhlutarnir eru láglendir. Þar er hitabeltisloftslag með mikilli úrkomu, sem fylgir na-monsún frá nóvember til janúar.  Meðalúrkoma ársins er u.þ.b. 2400 mm.  Hitabreytingar eru litlar milli dags og nætur.  Ársmeðalhiti er 26,4°C. Íbúarnir eru u.þ.b. 77% kínversks uppruna, 15% malayar, 6% Indverjar auk minnihlutahópa frá Evrópu og öðrum heimshornum.

Heildarfjöldi íbúa árið 2000 var u.þ.b. 2,5 millj., sem þýðir 4045 manns á km2.  Íbúafjölgun er u.þ.b. 2,5%.  Lífslíkur u.þ.b. 71 ár.  Ólæsi u.þ.b. 17%.  Vinnuafl u.þ.b. 950.000 og þar af vinna 60% í þjónustustörfum en restin í iðnaði (39%). Aðaltrúarbrögð eru tengd Konfúsíusi, margt er um taoista og búddista eða samtals yfir 50%.  Minnihlutahópar aðhyllast islam, hindi, kristni og gyðingatrú. Tungumál:  Þjóðartungan er malæiska en þar að auki er töluð enska, kínverska og tamil.