Ghazni er borg í austurhluta landsins og höfuðborg samnefnds héraðs í 2220 m hæð yfir sjó.  Hún er markaðsborg, þar sem verzlað er með kornvöru, ávexti, ull og dýrahúðir.  Hún liggur við verzlunarleiðina milli Írans og Indlands.  Skammt norðaustan hennar eru leifar fornu borgarinnar, sem var merkisstaður á sínum tíma.  Einu rústirnar í Gömlu-Ghazni, sem hafa einhverja mynd á sér, eru tveir turnar með 365 m millibili, u.þ.b. 43 m háir.  Samkvæmt áritunum á þeim létu afghanski soldáninn Mahmud frá Ghazni og sonur hans reisa þá.  Í fyrsta Afghan-stríðinu 1842 lögðu Bretar borgina undir sig og eyðilögðu varnir hennar.  Áætlaður íbúafjöldi 1982 var 32.000.