Ferðamöguleikar til Víetnam
Flugvélar:  Í Víetnam eru tveir alþjóðaflugvellir: Hanoi (Noi Bai) og Ho-Chi-Minh-borg.  Það er beint flug milli Hanoi og Bangkok, Berlínar (Schönefeld), Jakarta, Karachi, Min Vody, Parísar, Phnom Penh, Prag og Vientiane.  Einnig er beint flug milli Ho-Chi-Minh-borgar og Bangkok, Delhi, Karachi, Moskvu, Parísar, Manila og Phnom Penh.  Víetnamska flugfélagið Hang Khong Viet Nam (VN) hefur aðalaðsetur í Hanoi.

Járnbrautir:  Járnbraut tengir víetnömsku höfuðborgina Hanoi og kínversku borgina Kanton en engar ferðir hafa verið á milli þeirra síðan landamærakritur hófust milli ríkjanna árið 1979.

Vegir:  Lélegir vegir liggja um allt landið og til nágrannalanda.  Það verður að reikna með talsverðum töfum á landamærum landsins við komu og brottför.

Sjóleiðir:  Það er hægt að koma víða að sjóleiðis til Hanoi og Ho-Chi-Minh-borgar.

Innanlandsleiðir:  Ferðir útlendinga innanlands eru mjög takmörkunum háðar.  Þetta á einkum við um suðurhluta landsins og Ho-Chi-Minh-svæðið, þar sem enn þá er útgöngubann um nætur.  Það heyrir til undantekninga, að einstaklingum sé leyft að ferðast um á eigin spýtur og þá verða þeir að bera sérstök skírteini, sem yfirvöld gefa út.  Hver, sem notar leigubíla eða dráttarkerrur (riksha), verður að ganga úr skugga um, að ökumennirnir skilji og viti hvert skal halda.  Hafi fólk viðdvöl á stöðum, þar sem ferðamönnum er bönnuð dvöl eða ferð, má það búast við töfum og óþægindum.

Þróun samgangna gengur hægt í landinu, þannig að það þarf að áætla langan tíma til að komast um allt landið, ef ferðaáætlunin hljóðar upp á það.

Flug:  Reglubundið flug innanlands með Hang Khong Viet Nam flugfélaginu til og frá  Hanoi, Da Nang, Ho-Chi-Minh-borg og nokkrum öðrum stórum borgum.

Járnbrautir:  Tong Cuc Duong Sat Viet Nam'ríkisjárnbrautarfélagið annast allar samgöngur á teinunum.  Járnbrautarnetið er eins og aðrar samgöngur í hægri uppbyggingu.  Aðalleiðin liggur á milli stærstu þéttbýlissvæðanna, Hanoi og Ho-Chi-Minh-borgar (1730 km).  Yfirvöld ætlast í flestum tilfellum til þess, að innfæddir ferðist einungis í lestum á lengri leiðum.

Rútur:  Bezt er að afla sér upplýsinga um ferðamöguleika með rútum á skrifstofum Ferðamálaráðs í hinum stærri borgum.

Leigu- og bílaleigubílar:  Útibú Ferðamálaráðs annast í flestum tilfellum milligöngu um útvegun leigubíla.  Það er hægt að leigja þá í nokkrar klukkustundir eða daga.  Það er ekki hægt að leigja sér bíl til að aka sjálfur og alþjóðlegar bílaleigur eru ekki með starfsemi í landinu.

Dráttarvagnar (riksha):  Xich lo, reiðhjólavagnar eru í flestum borgum.  Samið er um verð í upphafi hverrar ferðar.

Skipulagðar skoðunarferðir:  Ferðamálaráð ríkisins í Hanoi og Ho-Chi-Minh-borg annast reglulegar bæjarferðir og stuttar og langar skoðunarferðir út frá borgunum.