Ciudad Bolívar er höfuðborg Bolívar-héraðs við Orinoco-ána.  Hún er miðstöð viðskipta í Orinoco-dalnum.  Helztu framleiðsluvörur borgarinnar eru gull, demantar, járngrýti, nautgripir, hestar, húðir, eðalviður og efni í golfkúlur o.fl.   Borgin var stofnuð 1764 sem San Tomás de la Nueva Guayana en var kölluð Angostura í daglegu tali.

Fyrstu angosturadroparnir voru framleiddir í borginni 1824 (notaðir í áfenga drykki og við matreiðslu).  Á 19. öld var borgin aðalaðsetur byltingarstjórnar landsins um tíma.  Á fimmta áratugi 19. aldar var borgin nefnd eftir suðurameríska byltingarleiðtoganum Simón Bolívar.  Áætlaður íbúafjöldi 1989 var 258 þúsund.