|
 Kiel
er höfuðborg Slésvík-Holstein í 5 m hæð yfir sjó.
Þar er haldin þjóðhátíð í febrúar hvert ár og í júlí
er vikulöng siglingarkeppni með menningardagskrá.
Þessi gamla hafnar- og háskólaborg er við hinn 17 km langa
Kielfjörð.
Þar eru skipasmíðar mikilvæg atvinnugrein og áætlunarferjur
sigla þaðan til Norðurlanda.
Véla- og tækjaframleiðsla auk elektrónískra nákvæmnistækja
og fiskvinnslu veitir mörgum atvinnu.
Kiel er líka herskipahöfn, stjórnstöð og menntasetur sjóhersins.
Vegna þessara þátta varð borgin illa úti í síðari
heimsstyrjöldinni, sem skýrir nútímalegt útlit hennar.
Adolf
IV, greifi af Schauenburg í Holstein, stofnaði borgina á 13. öld.
Í valdatíð sonar hans, Jóhanns I, fékk borgin réttindi frá
Lübeck og árið 1283 komu Hansakaupmenn sér þar fyrir. Christian
Albrecht, hertogi í Holstein-Gottorf, stofnaði háskólann árið
1665. Landsstjórnin
kom saman í Kiel árið 1848 gæta réttar landsins gegn Danmörku.
Árið 1865 varð borgin aðsetur prússneska sjóhersins og hún
tók að vaxa hratt.
Fyrsta siglingakeppnin í Kielfirði var haldin árið 1882.
Árið 1895 var Wilhelmsskurðurinn opnaður.
Núna heitir hann Norðursjávar-Eystrasaltsskurðurinn en við
nefnum hann oftast Kielskurðinn.
Siglingakeppnir sumarólympíuleikanna 1936 og 1972 fóru fram á
Kielfirði.
Nikolaikirkjan
(síðgotnesk).
Henni var breytt á 19. öld og endurbyggð eftir síðari
heimsstyrjöldina.
Óperuhúsið
frá 1952-53 og viðbygging frá 1973.
Nýja
ráðhúsið
með 106 m háum turni var byggt á árunum 1907-11.
Þaðan er gott útsýni.
Skammt þaðan er Eystrasaltshöllin, sem var byggð fyrir stórathafnir
og hátíðir.
Óslóbryggjan,
sem þjónar ferjum milli Kiel og Skandínavíu.
Listahöllin,
sem aðallega sýnir verk listamanna frá fylkinu.
Dýrafræðisafnið,
hafrannsóknarstofnunin með sædýrasafni og grasagarðurinn eru skoðunarverð.
Þinghúsið
(Landeshaus) er niðri við Kielfjörð.
Holtenauer
flóðgáttirnar
við Kielskurðinn.
Þar er hægt að fylgjast með skipaumferð og hækkun og lækkun
í flóðgáttunum við Eystrasaltsenda þessa 99 km langa skipaskurðar.
Ólympíumiðstöðin
og Ólympíuhöfnin er í hverfinu Schilksee.
Hvort tveggja var byggt fyrir leikana árið 1972
*Útisafnið
er í sunnanverðu Rammseehverfinu.
Þar eru gamlir, endurbyggðir bóndabæir og handverkssýningar
frá öllum landshlutum.
*Minnismerki sjóhersins
Laboe
er 20 km norðan við Kiel.
Það var byggt í líki skipsstefnis 1927-36 en þjónar til
minningar um fallna sjóliða beggja heimsstyrjaldanna.
Minnismerkið er 72 m hátt með útsýnispalli og lyftu.
Rétt hjá því er kafbátasafn, U 995. |
