Garmisch - Partenkirchen í Bæjaralandi er í 720 m hæð yfir sjó.  Íbúafjöldinn er u.þ.b. 27.000. Bærinn er einhver vinsælasti ferðamannastaður Bæjaralands í Ölpunum.  Árið 1936 fóru þar fram vetrarólympíuleikar.  Bærinn liggu rí breiðum dal Loisachárinnar, umgirtur háreistum fjöllum.

Á dögum Rómverja hét bærinn Parthanum.  Hann varð mikill verzlunar- og markaðsstaður upp úr 1361 venga nágrennis við verzlunarleiðina milli Augsburg og Ítalíu um Mittenwald og blómstraði á síðmiðöldum.  Báðir bæjarhlutarnir Garmisch og Partenkirchen eru frá síðari hluta 13. aldar og tilheyrðu ríkisgreifadæminu Werdenfels, sem féll undir Bæjaraland árið 1803.  Eftir afturkipp í velgengninni á 17. öld fór bærinn að vaxa sem miðstöð ferðamanna allt árið.

Ólympíuleikvangurinn er skoðunarverður.

Nágrenni Garmisch Partenkirchen
Wank:                          3 km na GP.  Svifbraut upp í 1780 m hæð.

Kreuzeck:                    4 km s  GP í 1652 m hæð.

Eckbauer:                    4 km sa GP í 1239 m hæð.

Osterfelderkopf:            5 km sv GP í  2050 m hæð.

Partnachklamm:            3 km sa GP.  Fallegt gljúfur með jarðgöngum og hellum.

Höllentalklamm:            6 km sv GP.  Frá H.Höllentalklammkofa í 1045 m hæð liggur leið um mörg göng og hella að gljúfurendanum í 1161 m hæð.

Zugspitze:                   10 km sv GP.  Hæsta fjall Þýzkalands (2963 m).  18,7 km löng tannhjólabraut upp að Hotel Schneefernerhaus í 2650 m hæð og þaðan liggur kláfferja upp í 2950 m, þar sem er útsýnispallur.

Frá Eibsee liggur 4,5 km löng leið í stórum vögnum kláfferju beint upp á topp.  Á vesturtindinum (2963 m) gnæfir endurvarpsstöð (1974/5), þar sem áður var Münchner Haus.  Í hlíðum Zugspitze er snjóöruggasta skíðasvæði Þýzkalands, einnig á sumrin.