Cuxhafen er borg í Neðra-Saxlandi í Norðvestur-Þýzkalandi.  Hún er hafnarborg við ósa Elbu, 134 km austsuðaustan Hamborgar.  Hamborgarar náðu henni á sitt vald árið 1394 og gerðu hana að hafnarborg sinni þar til hún féll til Hanover 1937.  Cuxhafen fékk borgarréttindi árið 1907.  Í síðari heimsstyrjöldinni varð hún fyrir miklum sprengjuárásum og bandamenn náðu henni í maí 1945.  Meðal sögulegra bygginga borgarinnar eru 14. aldar Ritzebüttel-kastalinn (héraðssafn) og 14. aldar viti, hinni elzti á ströndum Þýzkalands á eyjunni Neuwerk.

Cuxhafen er meðal stærstu fiskihafna Þýzkalands og höfuðstöðvar fiskvinnslu í landinu.  Um höfnina fara miklir vöruflutningar og talsvert er um skipasmíðar.  Cuxhaven er einnig ferðamannaborg með baðströndum, heilsubótarstöðum og miðstöð skútusiglinga til Frísnesku eyjanna.  Áætlaður íbúafjöldi árið 1989 var rúmlega 55 þúsund.