Amberg í Bæjaralandi er í 374 m hæð yfir sjó.  Íbúafjöldinn er u.þ.b. 47.000.  Amberg var fyrrum höfuðborg Oberpfalz á austurfrankneska júrasvæðínu í Vilsdalnum.  Vils rennur um miðja borgina.  Þar eru borgarmúrar með turnum og hliðum í kringum miðaldabæinn að hluta en græn svæði taka við, þar sem múrarnir eru horfnir.  Luitpoldhütte, eitt stærsta stálfyrirtæki Bæjaralands, nýtir járngrýti úr námum norðan borgarinnar.

Árið 1034 var Amberg fyrst getið, þegar Konrad II keisari gaf biskupnum í Bamberg bæinn.  Árið 1269 fékk Lúðvík hertogi af Bæjaralandi Amberg að léni.  Árið 1329 réðu syndir Rudolfs Pfalzgreifa bænum og innlimuðu hann í Rheinpfalz.  Árið 1628 réði Maximilian af Bæjaralandi bænum.  Verzlunarleiðin Nürnberg-Prag og járngrýtið ýttu undir hagsæld bæjarins fram að 30 ára stríðinu.  Áin Vils var skipgeng til flutninga.

Ráðhúsið er gotneskt og er frá 14.-16.öld (mynd).  

*Sóknarkirkjan (1421-83), St. Martin, er líka gotnesk með 98 m háum vesturturni.