Hermonfjall (Jabal ash-Shaykh; Höfðingjafjall) tilheyrir Anti-Líbanonfjallgarðinum á landamærum Sýrlands og Líbanons.  Það rís hæst í 2814 m yfir sjó.  Þetta er ægifagurt fjall og hefur verið efniviður í ljóðagerð á hebresku.  Rústir fornra hofa eru í hlíðum fjallsins og eitt þeirra má líklega rekja til semítíska guðsins Baal.  Grískar ristur eru víða á hofrústum.  Hermonfjall er einn staðanna, sem er tilgreindur í tengslum við umbreytingu Krists.

Allt frá sexdagastríðinu hafa u.þ.b. 100 km² suður- og vesturhlíða fjallsins ásamt Gólanhæðum verið undir yfirráðum Ísraela.  Bæði löndin hafa herstöðvar í hlíðunum.