Halab eða Aleppo (fyrrum Beroea) er höfuðborg Aleppo-héraðs.  Borgin er á hásléttu (427m) miðleiðis milli Miðjarðarhafs og Efratárinnar.  Hún er næststærst borga Sýrlands og mikilvæg miðstöð viðskipta með landbúnaðarafurðir.  Þar eru líka verksmiðjur, sem framleiða teppi, silki-, baðmullar- og ullardúk, silfur- og gullmuni, leðurvörur og útsaumsvörur.

Borgin skiptis í gamla og nýja hluta.  Gamli hlutinn er umgirstur borgarmúrum frá miðöldum.  Meðal áhugaverðra bygginga borgarinnar eru nýja virkið, umkringt síkjum, uppi á 61 m hárri hæð og Sakaríasmoskan, þar sem faðir Jóhannesar skírara liggur líklega grafinn.

Í borginni eru nokkrir evrópskir skólar, kristnar kirkjur og trúboðsstöðvar.  Halabháskóli var stofnaður árið 1960.  Borgin er tengd Damascus og Beirut (Líbanon) með járnbrautum og Írak, Kúrdistan og Tyrknesku-Armeníu um leiðir úlfaldalesta.  Á þriðju öld varð Halab mesta verzlunarmiðstöð milli Evrópu og Austurlanda.  Saga borgarinnar, sem var aðsetur hittíta fyrir árið 1000, er samofin sögu Sýrlands.  Áætlaður íbúafjöldi árið 1994 var rúmlega 1,5 milljónir.