Vevey, í kantónunni Waadt er í 383 m hæð yfir sjó.  Íbúafjöldinn er u.þ.b. 16.000.  Vevey er heilslubótarbær við mynni Vevey-árinnar við Genfarvatnið.  Í norðri gnæfa *Mont Pélerin (1084 m) o g Pléaides (1364 m) yfir bæinn.  Hlíðar Lavaux, norðan Vevey, eru mikið vínræktarhérað.

Bærinn hét Viviscus á rómverskum tíma og var mikilvægur hafnarbær.  Um 1200 fékk Vevey bæjarréttindi.  Bærinn var mikilvæg verzlunarmiðstöð á miðöldum á verzlunarleiðinni milli Búrgúnd og Piemont.  Á 19. öld hófst ferðaþjónusta í auknum mæli.