Luzern, höfuðborg samnefndrar kantónu, er í 436 m hæð yfir sjó.  Íbúafjöldinn er u.þ.b. 68.000. Borgin er við norðurenda hins vogskorna Vierwaldstättervatns, þar sem áin Reuss rennur úr því.  Í rúmlega öld hefur Luzern verið meðal vinsælustu ferðamannastaða landsins.  Þar er fallegur miðaldamiðbær.

Staðarins er getið sem Luciaria árið 730 en það nafn varð til í tengslum við stofnun Benediktínaklaustursins St. Loedegar sama ár.  Eftir opnun Gotthardskarðsins þróaðist Luzern í að verða mikilvægur verzlunarbær.  Árið 1291 varð bærinn hluti af Habsborgaraveldinu og 1332 hluti af eiðveldinu.  Þegar Napóleon hafði lagt Sviss undir sig árið 1798 varð Luzern höfuðborg ríkisins um tíma.

*Kapellubrúin, 170 m löng yfir Reuss, var byggð árið 1333.  Hún var ein elzta varðveitta trébrú landsins en brann í ágúst 1993.  Hún var endurbyggð úr gömlu efni og vígð aftur 14. apríl 1994.
Spreuerbrúin,
Löwendenkmal (Thorvaldsen),
Gletschergarten,
Verkehrshaus der Schweiz,
Pilatus o.fl. skoðunarverðir staðir. 
*Kapellubrúin,