Locarno, í kantónunni Tessin er í 205 m hæð yfir sjó.  Íbúafjöldinn er u.þ.b. 15.000.  Locarno er vinsæll ferðamannastaður við norðurenda Lago Maggiore í skjólsælu og fögru umhverfi.  Landslagið er þakið görðum og vínviði, sem teygist upp um allar hlíðar.  Þar vaxa fíkju-, ólífu og granattré.  Nýir bæjarhlutar hafa byggzt upp til suðurs og vesturs við ósa Maggia.  Myrtusviður blómstrar í ágúst.  Flestir ferðamenn koma til bæjarins á vorin og haustin.