|
 Genf,
höfuðborg samnefndrar kantónu er í 377 m hæð yfir sjó.
Íbúafjöldinn er u.þ.b. 200.000 og í kantónunni allri búa
370.000 manns.
Háborg
siðbótar Kalvíns er vestust borga landsins.
Hún er við suðvesturenda Genfarvatns á jökulöldum á báðum
bökkum Rhône, þar sem áin fellur úr vatninu.
Í suðaustri eru kalkhryggir Saléve og Voiron, Júra í norðvestri,
stærsta Alpavatnið í norðri og í fjarska í suðvestri er hæsta
fjall Evrópu, Mont Blanc. Genf
er ein miðstöðva andlegs lífs í Evrópu. Þar sameinast franskur lífsstíll og svissneskur
traustleiki og þar eru flestar æðstu stofnana og samtaka heimsins. Borgin hefur því á sér yfirbragð heimsborgar.
Þar blómstrar fjármála- og viðskiptalíf auk iðnaðar.
Borgin hefur þanist mikið út undanfarna áratugi, nýir útborgarkjarnar
hafa myndast og smábæir í nágrenninu.
Gamli
bæjarhlutinn er á vinstri Rhônebakka, þar sem þriggja turna dómkirkjan
gnæfir yfir. Á hægri
bakkanum blómstra viðskiptin.
**Genfarvatn
er í 371 m hæð yfir sjó. Það
er 581 km², 72 km langt, breiðast 14 km, og allt að 310 m djúpt.
60% vatnsins eru í Sviss en 40% í Frakklandi.
Um
2500 f.Kr. var staurahúsabyggð á núverandi hafnarsvæði
borgarinnar. Rómverjar
hernámu þar víggirta, keltneska byggð árið 120 f.Kr.
Júlíus Sesar gat byggðarinnar fyrst í 'De Bello Gallico
Commentarii'. Hann lét eyðileggja brúna yfir Rhône árið 58 f.Kr. til
að stöðva framrás helvetika til Gallíu.
Árið 443 varð Genf höfuðborg Búrgúnda, varð franknesk
534, aftur búrgúnsk seint á 9. öld og innlimuð í 'Hið heilaga rómverska
ríki hinnar þýzku þjóðar' árið 1033.
Langvarandi
deilum milli biskupanna og Savoyaðalsins lauk með innreið siðbótar
Kalvíns í Genf. Hann kom
til baka úr útlegð í París 1536 og hóf samstarf við Guillaume
Farel, sem hafði byrjað baráttuna gegn katólskunni.
Árið 1602 reyndu Savoyar að ná Genf undir sig á ný án árangurs.
Árin 1798-1813 réðu Frakkar á Genfarsvæðinu en árið 1814
varð Genf 22. kantóna Sviss. Árið
1865 var Rauði krossinn stofnaður í Genf.
Árin 1920-1946 sat þing landsins í borginni. Rithöfundurinn, sem hafði mest áhrif á stjórnarbyltinguna
í Frakklandi 1879, Jean-Jacques Rousseau (1712-78) fæddist í Genf. |
