Baden, í kantónunni Aargau er í 385 m hæð yfir sjó.  Íbúafjöldinn er u.þ.b. 13.600. Baden, sem heitir eftir heilsuböðum, hefur verið verið markaðsbær frá örófi alda.  Gamli bæjarhlutinn er frá miðöldum.  Neðar við ána Limmat, sem rennur úr Zürichvatni, eru böðin, sem voru þegar notuð á dögum Rómverja.  Þar eru 19 laugar, 48°C, sem eru notaðar til að bæta úr gigt og slímhimnubólgum (kvefi).  Rennslið úr laugunum er u.þ.b. 1000 l á dag.  Í dalnum, vestan baðanna, er nýrri bæjarhluti og verksmiðjur, s.s. Brown, Boveri & Co. o.fl.

Rómverjar kölluðu staðinn Aquae Helvetiae.  Baden var mesti heilsubótarstaður í Sviss á miðöldum og átti talsvert hlutverk í stjórnmálaþróun í gamla Sviss.  Árið 1892 var fyrsta vatnsorkuvirki landsins tekið í notkun við Baden.