Einkennisdýr Alpanna er hin fima Gemsa með aftursveigð horn og svarta rák á baki.  Á sumrin er hún rauðbrún en á veturna dökkbrún.  Helzt er að finna hana við efri skógarmörk en á sumrin einnig í klettum.

Múrmeldýrið er gulbrúnt á baki og grábrúnt um miðjuna.  Það gefur frá sér hvell viðvörunarhljóð, þegar hættu ber að, og hverfur niður í holu sína, sem það grefur og liggur þar í dvala á veturna.

Snæhérinn er grábrúnn eða grár á sumrin en hvítur á veturna og lifir ofar 1.300 m yfir sjó.  Hann skilur eftir sig spor, sem líkjast handarfari.

Alpamúsin (Alpenwühlmaus) er ljósbrúngrá á baki með hvítan hala.  Hún stekkur, klifrar og syndir vel og finnst allt upp að snjólínu, helzt í nánd við alparósirnar.

Steinörninn, með 2 m vænghaf, sést oftast á flugi.  Hann verpir oftast á stöllum í þverhnípi og er sjaldgæfur.

Gæsagammurinn er enn þá sjaldgæfari en steinörninn með hvítan haus, ljósbrúnan búk og svart stél.

Alpakrákan heldur sig allt frá túnum og engjum í  2.000 m hæð upp á hæstu tinda. Hún er á stærð við akurhænu.  Hún er með hvíta vængi á sumrin en er alhvít á veturna.
Mynd:  Múrmeldýr.