P'yongyang Norður Kórea,
Flag of Korea, North


P’YONGYANG
NORÐUR KÓREA

.

.

Utanríkisrnt.

Booking.com

P’yongyang, höfuðborg Norður-Kóreu, er við Taedong-ána í vesturhluta landsins, skammt frá Gulahafi.  Hún er miðstöð viðskipta, iðnaðar, stjórnsýslu og menningar landsins.  Verksmiðjur framleiða málm- og gúmmívörur, vefnaðarvörur, matvöru, vélbúnað, byggingarefni, vopn og leirmuni.  Eini alþjóðaflugvöllur landsins er í grennd við borgina.  Borgin hefur oft eyðzt í styrjöldum og oft verið endurbyggð.  Hún er velskipulögð og nútímaleg með fallegum skemmtigörðum og breiðum götum og stórum íbúðablokkum.  Aðalháskóli landsins, Kim II Sung (1946), Kim Hyong-chick-háskólinn, Kim Chaek-listaháskólinn, P’yongyang læknaskólinn, Vísindaháskólinn (1952), Landsbókasafnið og P’yongyang-leikhúsið eru í borginni.  Enn standa leifar gömlu borgarmúranna og grafhvelfingar frá fyrstu öld fyrir Kristsburð, búddahof, stór bronsstytta af vængjuðum þjóðsagnahesti, Þjóðminja- og listasafnið eru skoðunarverð.

P’yongyang er talin elzta borg Kóreu, líklega stofnuð árið 1122 f.Kr.  Síðar varð hún höfuðborg Koguryo-ættarinnar frá 427-668, þegar kínverskur her lagði hana í rust.  Japanar réðu borginni 1592-93.  Kínverjar lögðu hana undir sig 1627 og brenndu hana til grunna.  Síðla á 19. öld settust margir kristniboðar að í borginni.  Japanar réðu landinu 1910-45 og kölluðu höfuðborgina Heijo.  Árið 1948 varð borgin höfuðborg Norður-Kóreu.  Herir Sameinuðu þjóðanna lögðu hana undir sig árið 1950 en urðu að hörfa þaðan undan sókn kínverskra og kóreskra herja.  Borgin var byggð upp eftir 1953.

 TIL BAKA        Ferðaheimur - Garðastræti 36 - 101 Reykjavik - info@nat.is - Heimildir         HEIM