Santiago de Compostela er höfuðborg sjálfstæða sveitarfélagsins Galisíu á Norðvestur-Spáni.  Byggingu rómönsku dómkirkjunnar í borginni var lokið árið 1211 á gröf heilags Jakobs, þjóðardýrlings Spánverja, sem fannst á 9. öld.  Upp frá því varð Santiago de Compostela annar mikilvægasti pílagrímastaður Evrópu á eftir Róm og hinn þriðji eftir Jerrúsalem.  Borgin, sem þróaðist umhverfis gröfina, féll í hendur mára og var eyðilögð árið 997 en endurbyggð síðar á miðöldum.  Íbúar borgarinnar byggja afkomu sína á landbúnaði, silfursmíði, tréskurði og framleiðslu hördúks og pappírs auk þjónustu við ferðamenn.   Á 12. öld var kominn vegur frá Pýreneafjöllum til Santiago með brúm og sæluhúsum.  Pílagrímar hvaðanæva úr Evrópu hafa síðan hitzt við upphaf hans.  Þessi vegur á merkilega sögu og við hann er fjöldi sögustaða og merkra minja.  Í borginni eru nokkrir miðskólar og háskóli.  Áætlaður íbúafjöldi árið 2001 var rúmlega 90 þúsund.