Formentera (93 km²) er handan 4 km breiðs sunds milli hennar og Ibiza og hún er minnst Baleareyja, sem eru í byggð.  Nokkrar vindmyllur eyjarinnar eru enn þá í gangi og talsvert er um akuryrkju og saltvinnslu.  Höfuðstaður eyjarinnar er San Francisco Javier.  Baðströndin Playa de Mitjorn (4 km) er á suðurströndinni og Playa d’es Pujols er á norðurströndinni.  Hæsti punktur eyjarinnar (192m), La Mola, á furuvöxnum austurhlutanum býður gott útsýni allt til Íbiza.  Í austurhlíðunum er Nuestra Señora del Pilar með kirkju og vita á höfðanum Punta de la Ruda.