Mykolayiv (Nikolayev) er höfuðborg samnefnds héraðs í Suður-Úkraínu við ármót Suður-Bug og Ingul.  Hún er mikilvæg hafnarborg við Svartahaf og höfn hennar er haldið opinni á veturna.  Þar eru miklar skipasmíðastöðvar og framleiðslan er landbúnaðarvélar og byggingartæki.  Borgin var stofnuð árið 1788 í grennd við forna, gríska byggð og varð að flotastöð Rússa.  Herseta Þjóðverja á árunum 1941-44 olli miklum skemdum.  Áætlaður íbúafjöldi árið 1991 var 511 þúsund.