Verg
þjóðarframleiðsla Kirgizíu árið 1991 nam US$ 6,9 miljónum (US$ 1.550.- á
mann). Efnahagur landsmanna byggðist fyrrum nær eingöngu á landbúnaði
en mikil iðnvæðing varð á Sovéttímanum. Um aldamótin 2000 nam
iðnaðurinn 38% af vergri þjóðarframleiðslu og vinnuaflsnýting hans var
28%. Iðnaðurinn byggist aðallega á námuvinnslu (kol, gull, antimony og
úran). Olía og gas fannst í Ferganadalnum en nýting þessara auðlinda
var skammt á veg kominn um aldamótin, þannig að allt eldsneyti var flutt
inn. Árnar Naryn og Chu eru nýttar til rafmagnsframleiðslu og
möguleikar til frekari orkuvinnslu eru enn fyrir hendi. Framleiðsla
landsins byggist aðallega á vinnslu afurða landbúnaðarins (ull, kjöt og
leður). Um
aldamótin nam landbúnaðurinn 28,4% af vergri þjóðarframleiðslu og hann
nýtti u.þ.b. þriðjung vinnuaflsins. Hann byggist einkum á kvikfjárrækt
(hestar, sauðfé og nautgripir). Miklar áveitur gera bændum kleift að
rækta baðmull, korn og ávexti á lægstu svæðum. Einnig er nokkuð ræktað
af tóbaki, mórberjatrjám (silki) og valmúa (ópíum).
Efnahagsþróun í landinu staðnaði eftir að það fékk sjálfstæði. Verg
þjóðarframleiðsla minnkaði um 25% árið 1992 í heild en kola- og
gasframleiðsla minnkaði meira. Stjórn landsins greip til gömlu
Sovétaðferðanna til að reyna að bæta úr.
Efnahagsþróun í landinu staðnaði eftir að það fékk sjálfstæði. Verg
þjóðarframleiðsla minnkaði um 25% árið 1992 í heild en kola- og
gasframleiðsla minnkaði meira. Stjórn landsins greip til gömlu
Sovétaðferðanna til að reyna að bæta úr. Umbótaaðgerðir eru í gangi,
þrátt fyrir kreppuna. Helztu hindranirnar í veginum eru tengdar
ágreiningi milli þjóðflokka. Hann hefur tafið fyrir úthlutun lands og
einkavæðingu en málamiðlun fannst til að leysa ágreininginn. Stjórnvöld
héldu áfram umbótum á sviði fjármála og gerðu veittu seðlabanka landsins
sjálfstæði. Kirgízar urðu fyrstir fyrrum Sovétlýðvelda til að taka upp
eiginn gjaldmiðil, som, árið 1993. Útgáfa gjaldmiðilsins gekk gegn
reglum CIS (Commonwealth of Independent States) og olli mótmælum
nokkurra nágrannaríkja. Kirgzía gerðist aðili að fríverzlunarbandalagi
Kazaka og Úzbeka árið 1994. |