Zhambyl (Dzhambul) er höfuðborg samnefnds héraðs í Suðaustur-Kazakhstan við Talasána.  Um hana liggja járnbrautir milli Turkestan og Síberíu og hún er umlukin ávaxtalundum með áveitum, baðmullarekrum og stórbýlum.  Mikið er framleitt af matvælum, áburði, vefnaðarvörum og málmvöru.  Zhambylsvæðið hefur verið byggt lengi.  Á 5. öld var þar borgin Taraz við leiðir úlfaldalesta milli Evrópu og Kína.  Arabar réðu henni á 8. og 9. öld og mongólar lögðu hana í eyði á 13. öld.  Þarna var kazösk borg, Auliye-Ata, stofnuð á 18. öld, sem Rússar lögðu síðan undir sig árið 1864.  Nafni hennar var breytt í Zhambyl árið 1938.   Áætlaður íbúafjöldi árið 1990 var 311 þúsund.