Shymkent eða Chimkent er höfuðborg samnefnds héraðs í Kazakhstan.  Hún er miðstöð járnbrauta og menningar og verksmiðjur hennar framleiða m.a. sink, verkaðar karakúlgærur, vefnaðarvöru, matvæli og lyf.  Tatarar stofnuðu borgina á 12. öld sem viðkomustað úlfaldalesta, sem ferðuðust milli Mið-Asíu og Kína.  Rússar tóku borgina 1864 og vöxtur iðnaðar hófst á fjórða áratugi 20. aldarinnar.  Áætlaður íbúafjöldi árið 1990 var 401 þúsund.